Upacara pawiwahan ing wanci menika taksih kathah ingkang mawi adat lan cara jawa. kanthi rantanmaning adicara ingkang rancak lan cekat-ceket. Para tamu nalikanipun rawuh lajeng jawat asta lan paring pangestu dhumateng sri temanten sarimbit saha rama ibu, lajeng mandhap dhumateng sasana andrawina kanthi jumeneng. Kanggenipun para tamu, wekdal kangge njurung pangestu lan njangkepi tata cara kirang langkung namung tigang dasa menit sampun cekap. ingkang salajenipun, buku menika badhe asung tuladha kados pundi cak-cakanipun basa kangge sawenehing pasamuwan. Ing pangangkah buku menika saged kangge patuladhan dhumateng: para pranata cara utawi juru paniti laksana, para juru pamedhar sabda, para guru dalasan siswa ing pawiyatan dalsan para sutresna basa lan budaya ing pundi kemawon.